Në vitin 1993, Muhamet Belba ka qenë vetëm 24 vjecc. Për shkak të kushteve ekonomike, por edhe si pjesa më e madhe e të rinjve edhe ai u nis drejt Greqisë si emigrant ekonomik pa asnjë dokument me vete, por duke shfrytëzuar hapësirat pa asnjë kontrollit në atë kohë të kufirit të gjelbër mes Shqipërisë dhe vendit fqinj. Pas disa muajve në Greqi, i riu i asaj kohe kryen një krim të rëndë, teksa shkon në shtëpinë e një pronar grek me qëllimin për ta grabitur, por në momentin që u pikas prej tij, ai e qëlloi, duke e lënë të vdekur. Kjo është historia me pak fjalë, ndërsa që prej asaj kohe, Muhamet Belba ka qenë një prej personave më të lakuar për llojin e krimit të kryer dhe aq më tepër në një kohë kur shqiptarët rrekeshin të punonin për disa të ardhura më shumë. Në 17 shkurt të vitit 1993, Muhamet Belba shkruan emrin në listën e personave më të kërkuar e për të cilin shumë institucione të kërkimit policor në Shqipëri dhe jo vetëm publikuan emrin e tij. Në njoftimin e policisë së shtetit për personat në kërkim duket qartë se për të janë vetëm të dhënat e identitetit dhe asnjë foto, cka e ka bërë më të vështirë kërkimin. Megjithatë, krimi për të cilin kreu në Greqi mori dënim me 22 vjet burg në Shqipëri nga Gjykata e Elbasanit, që kishte nën juridiksion edhe rrethin e Librazhdit, prej nga ishte origjina e Belbës. Pas 28 vjetësh, Belba arrestohet në Belgjikë. Informacioni për vendndodhjen e tij u sigurua nga një tjetër shqiptar, që kishte mundur ta njohë për një kohë të gjatë dhe ka lajmëruar policinë vendase, e cila pas kontakteve me palën shqiptare bëri të mundur arrestimin dhe këtë të shtunë ai u ekstradua në Shqipëri, ku do të kryejë edhe dënimin.