Presidenti i Republikës, Bajram Begaj, priti Presidentin e Këshillit Evropian, Antonio Costa këtë të martë, ku u vlerësua progresi i spikatur i vendit tonë në procesin e negociatave, përfshirë mbajtjen e Konferencës së 8-të Ndërqeveritare BE–Shqipëri, e cila konfirmoi përmbushjen e kritereve ndërmjetëse për Kapitullin 1 “Themeloret”. Begaj i përcolli Presidentit të KiE vendosmërinë e Shqipërisë për të plotësuar agjendën dhe objektivat për mbylljen e grupkapitujve brenda vitit 2027.