Presidenti i Shqipërisë Bajram Begaj ka përshndetur arritjen e marrëveshjes së armëpushimit dhe për lirimin e pengjeve mes Izraelit dhe Hamasit, e cila u konfirmua një ditë më parë nga Presidenti i Shteteve të Bashkuara Joe Biden. “I vlerësoj përpjekjet e ndërmjetësimit nga Shtetet e Bashkuara, Katari, Egjipti dhe të tjerëve. Zbatimi i plotë i marrëveshjes është thelbësor për një paqe të qëndrueshme dhe për lehtësimin e vuajtjeve për të gjithë ata që janë të prekur në rajon.” shkroi Kreu i Shtetit në llogarinë e tij në x. Biden deklaroi se marrëveshja ishte arritur pas 15 muaj vuajtjesh dhe do të shoqërohet me shtimin e ndihmave humanitare në Gazë, si dhe shtoi se të gjitha pengjet së shpejti pengjet do të kthehen në shtëpi tek familjarët e tyre. Izraeli iu kundërpërgjigj Hamasit me luftime, pasi ky i fundit e sulmoi më 7 tetor 2023, në një sulm ku humbën jetën 1200 njerëz dhe 251 të tjerë u morën peng. Që atëherë më shumë se 46 mijë e 700 njerëz janë vrarë në Gaza që atëherë. Izraeli thotë se 94 nga pengjet mbahen ende peng nga Hamasi, prej të cilëve 34 i pretendon si të vdekur.