Në Palatin e Brigadave u zhvillua nga Presidenca ceremonia e pritjes për Ditën e Flamurit, ku të pranishëm ishin edhe familjarë të firmëtarëve të aktit të shpalljes së Pavarësisë. Në fjalën e mbajtur kreu i shtetit përcolli mesazhin për bashkimin e forcave me qëllim integrimin e vendit në BE. Ky 28 Nëntor na gjen në një moment vendimtar për të ardhmen evropiane të Shqipërisë. Sot, 113 vjet më vonë, ne jemi sërish pranë një objektivi tjetër historik: anëtarësimit të plotë në familjen evropiane. Kurrë më parë nuk kemi qenë kaq pranë. Jo rastësisht. Falë punës. Falë punës së shqiptarëve brenda dhe jashtë vendit, falë sakrificave të brezave, falë arritjeve të shqiptarëve në çdo cep të botës dhe po ashtu falë vizionit të qartë Euroatlantik. […]Anëtarësimi na kërkon institucione të forta, drejtësi të besueshme, ekonomi konkurruese dhe të qëndrueshme, arsim dhe shëndetësi cilësore dhe një administratë publike profesionale. Anëtarësimi është një provim që ne duhet ta kalojmë vetëm së bashku si shtet dhe si shoqëri.