Fansat e Beatles kanë përshëndetur publikimin e imazheve të papara më herët që tregonin katër të mrekullueshmit në një tur në Japoni, e kjo pasoi një betejë ligjore të ashpër për videon 35 minutëshe. Pamjet bardhë e zi, të grupit britanik, që vizitoi vendin në 1966, u regjistruan nga policia në kuadër të masave të sigurisë. Ato tregojnë muzikantët që zbresin nga një avion, të veshur me kimono dhe që performojnë para një turme të tërbuar në arenën Budokan në Tokio. Por, në imazhe shihen edhe operacionet e policisë në prapaskenë. Pamjet sidoqoftë, kanë një element sigurie...fytyrat e të gjithë të tjerëve, përvec atyre të pjesëtarëve të grupit, nga adhuruesit në lotë e deri tek oficerët e policisë që përballeshin me protestuesit e krahut të djathtë, janë mbuluar për arsye privatësie. Kjo ka qenë pika kryesore që ka përplasur fansat e beatles dhe avokatët e lirisë së informacionit, të cilët zhvilluan një betejë të gjatë dhe të ashpër që kërkonte që pamjet të publikoheshin të pacensuruara.