Christiane Hohmann, Kryetare e Delegacionit të BE-së në Shqipëri, në një intervistë për DW është ndalur tek sfidat që ka Shqipëria për anëtarsimin e plotë në BE. Lufta kundër korruspionit mbetet pika kyçe e të gjithë kësaj rruge, teksa peshën më të madhe në këtë drejtim duket se e ka SPAK dhe GJKKO, ku kërkohet rezultat edhe ndër zyrtarët e lartë. “Nga këndvështrimi i BE, Shqipëria po vazhdon përpjekjet e saj për të ndërtuar një historik hetimesh, ndjekjesh penale dhe dënimesh në luftën kundër korrupsionit dhe po shohim rezultatet e para. Është e qartë që këto përpjekje duhet të vazhdojnë, duke përfshirë vullnet më të madh politik, forcim të mëtejshëm të strukturave përkatëse, burimeve dhe aftësive adekuate që mbeten të nevojshme. Institucionet e sapokrijuara të drejtësisë, përfshirë SPAK dhe organet e vetingut, kanë vazhduar të japin rezultate në luftën kundër korrupsionit në përgjithësi, por edhe në radhët e zyrtarëve të lartë si edhe brenda gjyqësorit.”, shprehet ndër të tjera Hohman. Ndërkohë kujtojmë së fundmi Dy prokurorë të SPAK janë në qendër të akuzave për moshetim të ish-Ministrit të Financave njëherësh ish-zëvendëskryeministër Arben Ahmetaj për çështjen e inceneratorëve.