Rusia është një nga depozitat më të mëdha në botë, teksa prej saj furnizohet Europa e jo vetëm. Por teksa Moska vijon luftën në Ukrainë dhe përballet me sanksionet ndërkombëtare, Europa po shikon alternative të reja për sigurimin e gazit të lëngshëm. Në të tilla rrethana Bashkimi Evropian mund të konsiderojë zëvendësimin e importeve të gazit natyror të lëngshëm rus me importe nga Shtetet e Bashkuara. Deklarata është bërë nga presidentja e Komisionit Evropian Ursula von der Leyen. “Ne ende marrim shumë LNG nga Rusia, kështu që pse të mos e zëvendësojmë atë me LNG amerikan, i cili është më i lirë për ne dhe ul çmimet tona të energjisë,” tha von der Leyen. Presidentja e Komisionit tha se qasja e BE-së ndaj politikave tregtare që do të zbatohen nga Donald Trump kur të kthehet në Shtëpinë e Bardhë në janar do të jetë angazhimi, ballafaqimi me interesat e përbashkëta dhe negociatat.