Të tjera sanksione ka paralajmëruar Bashkimi Evrpian kundër individëve dhe entiteteve të lidhrua me Iranin. Masat do të njoftohen në fillim të javës së ardshme, thanë burime të ndruyshme për Radio Evropa e Lirë. Sanksionet pritet të miratohen më 14 tetor, ndërsa nuk përjashtohet mundësia që të përfshijnë dhe kompanitë ajrore iraniane. Një burim theksoi për Radio Evropa e Lirë se ambasadorët e BE-së tashmë e kanë dhënë dritën jeshile paraprake për këtë më 9 tetor. "Po, sanksionet do të vendosen të hënën si përgjigje ndaj dërgesës dhe ka mundësi që më pas të ketë edhe sanksione sektoriale", i tha një burim tjetër REL-it, duke iu referuar transferimit të raketave balistike iraniane në Rusi. Pas akuzave të Shteteve të Bashkuara, Britanisë, Francës dhe Gjermanisë ndaj Iranit për furnizimin e Rusisë me raketa para rreth një muaji, tri vendet evropiane njoftuan planet e tyre për të vendosur sanksione ndaj Iran Air, linjës ajrore shtetërore. Në atë kohë, Ministria e Jashtme e Gjermanisë i tha REL-it se aleatët evropianë po punon mbi këtë çështje. Iran Air kryen fluturime të drejtpërdrejta në disa qytete të Evropës, përfshirë Frankfurtin, Hamburgun, Këlnin, Parisin dhe Milanon.