“Fokusi i BE-së është në agresionin rus ndaj Ukrainës, ndërsa nuk ka kohë për diskutime rreth Urës se Ibrit në këtë moment”, ka qenë kjo deklarata e ambsadorit suedez në Kosovë Jonas Westerlund për mediat mbi situatën në veri të vendit. Doplomati u shpreh se ura duhet të hapet, por vendimi duhet të merret në momentin e duhur, për të maksimizuar rezultatin. Sipas tij, pyetjet se kur dhe si duhet të hapet ura, i takojnë popullsisë në të dy anët e lumit, bashkërisht në konsultime me komunitetin ndërkombëtar. Në lidhje me vendimet e qeverisë Kurti në veri, diplomati tha se ‘nuk mund të spekulojë nëse po kryhen për shkak të afrimit të zgjedhjeve’. Në lidhje ne paralajmërimet e zëdhënësit të BE-së, Peter Stano, se sanksionet ndaj Kosovës mund të ashpërsohen, diplomati u shpreh se nuk ka asgjë për të shtuar, dhe se nevojitet të shihet korniza e plotë, ku Kosova është pjesë e Evropës, siguria e së cilës është në rrezik. Më tej, diplomati Westerlund shtoi se vendi duhet të fokusohet edhe në zhvillimin ekonomik dhe thellimin e bashkëpunimit me Suedinë.