Komisioni Europian synon që të unifikojë në një liggj të vetëm 27 ligjet e veçanta të vendeve anëtare të BE për bizneset dhe kompanitë. Nisma e propozuar më 20 janar nga Presidentja e KE, Ursula von der Leyen synon që të rrisë aktivitetin ekonomik në Europë, ulë kostot për hapjen e bizneseve dhe shndërrimin e gjithë hapësirës së unionit në një hapësirë joshëse për start-upet dhe teknologjinë. Aktualisht, korporatat e mëdha ndërkombëtare priren që të shmangin Bashkimin Europian, ku mes arsyeve që citohen kryesorja është parcelizimi i legjislacionit dhe mungesa e një ligji të unifikuar me më pak burokraci dhe që të veprojë në të gjithë hapësirën e unionit. Ideja për një ligj të unifikuar në BE për sipërmarrjen është e vjetër, por ajo po shtyhet përpara këto kohë nisur nga përplasja me Shtetet e Bashkuara të Amerikës dhe nxitja e disa vendeve europiane për të shkëputur varësinë nga shërbimet e ofruara nga kompanitë amerikane, sidomos nga ato që lidhen me fushën e të dhënave dhe teknologjinë.