I dërguari i posaçëm i Bashkimit Evropian për dialogun Kosovë-Serbi, Mirosllav Lajçak ka ndërmarrë një vizitë suprizë në Prishtinë, për tu takuar me kryeministrin Albin Kurti. Zyrtari i lartë europian deklaroi pas takimit kokë më kokë më Kurtin në Kryeministri se është shumë e rëndësishme që të mos ketë tensione. Duke u ndaluar te fakti se afati për riregjistrimin e makinave me targat e republikës së Kosovës skadon më 31 tetor, Lajcak shprehet se BE ka frikë për rikthimin e dhunës në terren. I pyetur nëse kanë diskutuar për propozimin që afati për riregjistrimin e makinave të shtyhet për 10 muaj, Lajçak konfirmoi se kjo temë ka qenë pjesë e diskutimit me Kurtin, por tha se vendimi është në dorën e kryeministrit. Vizita e Escobar vjen pas vizitës të të dërguarit të Shteteve të Bashkuara, Gabriel Escobar, i cili po ashtu kërkoi shtyrjen e për 10 muaj procesin e riregjistrimit të targave. Vizita e Lajçakut në Kosovë vjen po ashtu pas qarkullimit në media të propozimit gjermano-francez në lidhje me lehtësimin dhe zgjidhjen e problemeve mes Kosovës dhe Serbisë. Analistë dhe ekspertë të politikave ndërkombëtare kanë vlerësuar se ka një ndryshim në qasjen ndaj dialogut dhe mund të ketë hapa drejt një marrëveshjeje finale.