“Evropa promovon recetat meloniane për imigracionin dhe kopjon modelin e qendrave shqiptare”, kështu shkruan në një artikull, Il Giornale, për marrëveshjen Itali-Shqipëri për emigrantët. Sipas gazetës italiane, qeveria e Melonit po merr bekime nga Europa për marrëveshjen e transferimit të emigrantëve, pa leje dhe të drejtë azili, në qendrat e ndërtuara në Shqipëri, procedurë e cila është hedhur poshtë tre herë nga gjykatat në Itali, por që pritet në kalojë te Gjykata Evropiane më 25 shkurt. Në pritje të verdiktit, politika europiane po lëviz përkrah ekzekutivit Meloni. Gjermania, që pritet të shkojë në zgjedhje për qeverinë e re më 23 shkurt, po luhet në një fushatë elektorale tërësisht mbi emigracionin. Kandidati për kancelar i CDU-CSU, Friedrich Merz, gjatë një interviste u shpreh se numri I emigrantëve ne Gjermani duhet te ulet, dhe se modeli Meloni për emigrantët mund të funksionojë edhe në Gjermani.