Udhëheqësit europianë kanë hedhur poshtë planin kontrovers prej 28 pikash të Donald Trump për t'i dhënë fund luftës në Ukrainë. Ata thanë se plani i paqes, i cili parashikon që Ukraina të dorëzojë territore kyçe dhe të zvogëlojë madhësinë e ushtrisë së saj, do ta linte Ukrainën "të cenueshme ndaj sulmeve". Udhëheqës, përfshirë Kryeministrin britanik Keir Starmer, presidentin francez Emmanuel Macron dhe kancelarin gjerman, Freidrich Merz, thanë se presidenti amerikan nuk mund të bëjë kërkesa në lidhje me NATO-n dhe BE-në pa pëlqimin e tyre. Si pjesë e planit të Trump, i cili mbështetet nga Vladimir Putin, Ukrainës nuk do t'i lejohet të mirëpresë trupat e NATO-s në vend dhe as avionë luftarakë të huaj, që duhet të të stacionohen vetëm në Poloni Kievi tha se do të zhvillojë bisedime paqeje me zyrtarë të lartë nga Uashingtoni në Zvicër rreth propozimit të Donald Trump dhe parametrave të nevojshëm për një paqe të qëndrueshme. Ndërkohë, udhëheqësit e BE-së do të takohen të hënën gjatë një samiti BE-Afrikë në Luanda për të diskutuar një propozim paqeje të hartuar nga SHBA-ja për Ukrainën, tha të shtunën presidenti i Këshillit Europian Antonio Costa.