Ligjvënësit socialistë ngritën kartonat jeshilë për t’i hapur rrugën kompanive, të cilat kanë fituar statusin e investitorit strategjik, që në rast se kanë pjesë të projektit të tyre ndërtimin e një porti turistik, të mos e kenë të nevojshme t’i nënshtrohen procedurave koncensionare. Delegacioni i Bashkimit Europian në një reagim për Top Neës thotë se do të duhet të vlerësohen nga afër efektet e këtij ligji veçanërisht në fushën e prokurimit publik. Grafik: “Ne jemi në dijeni se Parlamenti miratoi ndryshime në Ligjin “Për portet turistike në Republikën e Shqipërisë”. Ndryshimet do të duhet të vlerësohen nga afër nga shërbimet tona, veçanërisht në fushën e prokurimit publik dhe përputhshmërinë e tyre me legjislacionin e BE-së, i cili kërkon procedura transparente dhe konkurruese për dhënien e koncesioneve, përfshirë edhe për portet.” Po ashtu selia diplomatike e Brukselit në Tiranë thotë se në ligjin për portet turistike janë përfshirë dispozita të ligjit për investitorët strategjik, një ligj që do të duhet të shfuqizohet si parakusht për mbylljen e kapitullit 27.