Ambasadorët e 27 vendeve të Bashkimit Evropian janë mbledhur në një takim urgjent për të diskutuar përgjigjen e tyre ndaj kërcënimit të SHBA-së për tarifa si përgjigje ndaj kundërshtimit për Grenlandën. Që të shtunën, ata paralajmëruan për një “spirale të rrezikshme rënëse” pas zotimit të presidentit amerikan, Donald Trump për të zbatuar tarifa gjithnjë e në rritje ndaj aleatëve evropianë, derisa SHBA të lejohet të blejë Grenlandën. Në një postim në Truth Social, Trump tha se tarifa shtesë prej 10% për importet do të hyjnë në fuqi më 1 shkurt për mallrat nga Danimarka, Norvegjia, Suedia, Franca, Gjermania, Holanda, Finlanda dhe Britania e Madhe. Këto tarifa do të rriten në 25% më 1 qershor dhe do të vazhdojnë derisa të arrihet një marrëveshje që SHBA-ja të blejë Grenlandën, sipas Trump.