Ndotja e ajrit e shkaktuar nga oksidet e azotit është përgjegjëse për qindra mijëra vdekje. Sipas DË, disa vende të BE, raportojnë shumë më pak ndotje ajri nga sa është në të vërtetë. DË shkruan se Sofja, kryeqyteti bullgar, në matjet zyrtare të paraqitura, oksidet toksike të azotit, janë pasyruar si nën limitin e BE maksimalisht 40 mikrogramë për metër kub ajër. Sipas organizatave bullgare, autoritetet e mbulojnë qëllimisht përmasën e ndotjes së ajrit, pasi matjet në rrugët dhe kryqëzimet e frekuentuara në qytet arritën në vlera, që ishin pothuajse dy herë më të larta, nga sa deklarohej zyrtarisht. Arsyeja kryesore për këtë janë mijëra automjete të vjetra me dizel, që lëshojnë sasi të mëdha gazrash të pista dhe toksike, ndërsa në dimër u shtohet tymi i sobave të ngrohjes, në të cilat digjet qymyr dhe nganjëherë mbeturina.