Rama: “There are only three things you can not predict: God, Sex and European Union.” Rama e konsideroi të paparashikueshëm unionin europian, në prag të fillimit të punimeve të samitit BE-Ballkani Perëndimor në Tivat. Pak ditë pasi Gjermania dhe Franca paraqitën një propozim për integrimin gradual të vendeve të Ballkanit Perëndimor, kryeministri Rama bëri thirrje që Europa të jetë më e guximshme, duke sjellë shembullin e ish kancelarit gjerman, Helmut Kohl. Rama: “Unë besoj se Evropa, para së gjithash për veten e saj, duhet të jetë më e guximshme. Duhet të ruajë procesin e bazuar në meritë, duhet të ecë drejt integrimit gradual, por duhet të gjejë kurajën për një moment të ri të Helmut Kohl-it. Kur ra Muri i Berlinit, ai burrë i madh nuk u tha gjermano-lindorëve: "Tani keni 35 kapituj për të kaluar para se të jemi bashkë." Ai tha: "Ne jemi bashkë, dhe më pas do t'ju ndihmojmë të kaloni të gjithë procesin. E dini, fëmijëve nuk u thua: "Qëndroni te fqinjët derisa të jeni gati të vini të hani me ne." Sepse pastaj njëri prej tyre mund të bëhet shok me gangsterë rusë në lagje, një tjetër mund të fillojë të pëlqejë kukullat kineze, e kështu me radhë. Jo, fëmijët i mban të gjithë bashkë.”