Bashkimi evropian dhe astrazeneca, prodhuesi i vaksinës anti covid me qendër në britaninë e madhe, kanë premtuar se do të punojnë së bashku për të zgjidhur një mosmarrëveshje në lidhje me furnizimin e mangët me vaksina të bllokut më 27 anëtarë. Kjo vjen pas bisedimeve të krizës të mbajtura mes palëve që në përfundim folën për diskutime kontsruktive. Më herët AstraZeneca tha se do të mund të ofronte vetëm një fraksion të dozave të premtuara për periudhën janar mars duke fajësuar probleme në prodhim në fabrikat evropiane. Por, BE tha se kompania duhet ti përmbahet angazhimeve të saj dhe të furnizojë bllokun me vaksina sic është rënë dakord, duke devijuar rezervat për britaninë e madhe. Kontrata mes BE dhe AstraZenecas mban edhe një klauzolë konfidencialiteti por BE i ka kërkuar kompanisë të publikojë detajet, sidoqoftë. Raportet thanë javën e shkuar se BE do të merrte 60 për qind më pak vaksina, rreth 50 milionë, se sa sasia e premtuar për tre muajt e parë të këtij viti. Vaksina e Astrazenecas e zhvilluar në bashkëpunim me universitetin e Oxfordit, nuk është miratuar ende në BE, edhe pse kjo pritet të ndodhë të premten. BE, që është kritikuar për vaksinimin e ngadaltë, po përballet me vonesa në furnizime edhe nga Pfizer dhe BioNTech. Blloku ka një marrëveshje më të madhe me prodhuesin gjermano-amerikan të vajksinës.