Prej dy vitesh ligji për bastet sportive online ka mbetur në sirtar, në pritje të akteve nënligjore nga ministria e financave që do e bënin të zbatueshëm. Ministri Petrit Malaj shpjegon se janë duke u finalizuar dy aktet e fundit, që më pas do i hapnin rrugën licensimit të operatorëve. Sinkron Malaj: “Sa i përket basteve sportive online kanë mbetur edhe dy akte nënligjore të cilat jemi duke i bashkërenduar me ministrinë e drejtësisë, sapo t’i kemi të bashkërenduara do i publikojmë ato që më pas të vijohet me licensimin e operatorëve potencialë për të ofruar në mënyrë të ligjshme pjesën e basteve online.” Një ditë pasi Banka Botërore rishikoi rritjen ekonomike të Shqipërisë, duke parashikuar që ky tregues të bjerë në 3.4 për qind; ministri Petrit Malaj nënvizoi nevojën që ndihma e qeverisë të shkojë për shtresat vulnerabël.