Prej 1 janarit të vitit 2019 lojërat e fatit janë të ndaluara me ligj në Shqipëri, por duket se ka tentative për vijimin e tyre në fshehtësi. Nga informacionet policia ushtron me dhjetra kontrolle në pika të ndryshme, kryesisht lokale të cilat kthehen në biznese në shkelje të ligjit. Mesatarisht në javë zhvillohen rreth 20-25 operacione policore në kuadër të luftës ndaj lojërave të paligjshme të fatit. Pra, pavarësisht se është e ndaluar me ligj dhe të gjithë ata persona që kapen në këtë aktivitet marrin gjoba të majme, kjo gjë nuk I pengon. Pjesa më e madhe e tyre janë në Tiranë, ku edhe gjatë të shtunës janë goditur rastet. 2 persona janë arrestuar në Tiranë, si dhe dy janë proceduar penalisht pasi kishin përshtatur ambientet e tyre. Ndër të tjera, janë sekuestruar 4 celularë, ku duket se smarfonët janë mjeti kryesor I përdorshëm në këtë biznes. Paralelisht policia vepron edhe në qytete të tjera, ku në Pukë 6 persona kanë rënë në pranga, si dhe sekuestruar para, çipsa pokeri, dhe letra bixhozi. Javën që lamë pas, policia ka vënë ‘në lupë’ gjithë lokalet e bar kafet, ku dyshohet se janë ngritur pika bastesh. Pavarësisht rrezikut, të rinjtë nuk heqin dorë nga zakoni I vjetër.