Miliarderi saudit, princi Alvalid Bin Talal, investoi më shumë se 500 milionë dollarë në kompanitë ruse në kohën e pushtimit rus të Ukrainës, si shenjë e politikës së kujdesshme të shtetit të gjirit me partnerin e tij në OPEC plus. Kompania e investimeve e princit Alvalid, bleu certifikata depozitimi të lëshuara nga Gazprom, Lukoil dhe Rosneft në shkurt, sipas dokumentave, pak para se Rusia të niste sulmin në ukrainë. Nuk është dhënë në fakt datë specifike për investimet dhe kompania saudite nuk i është përgjigjur kërkesave për koment. Por vlera e këtyre certifikatave të depozitimit ra shpejt menjëherë pasi lufta nisi kur këmbimet në Moskë u ndalën dhe sanksione perëndimore u vendosën mbi rusinë. Alvalid, gjyshi i të cilit ishte themelues i arabisë saudite moderne, është një nga njerëzit më të pasur në vend dhe një nga investitorët ndërkombëtar të profilit më të lartë. Kohët e fundit ai është eklipsuar nga fondi sovran i pasurisë së mbretërisë, kryesuar nga kushëriri i tij Princi Mohamed Bin Salman, që bleu 16.9 për qind aksione në kompaninë e alvalid në maj.