Pas vendimit të Speciales në HAgë ndaj ish-krerëve të UÇK, një dokument hetimor I vitit 2000 për zhdukjen e Behajdin Allaqit është rikthyer në vëmendje, si një prej rasteve që Gjykata Speciale përdori në arsyetimin e aktgjykimit të 16 shtatorit ndaj ish-drejtuesve të UÇK-së. Sipas dokumentit të raportit hetimor, më 21 nëntor 2000, ose rreth kësaj date, në pjesën “Background of Case”, shënon se Nazmije Allaqi raportoi se bashkëshorti i saj Behajdin Allaqi ishte zhdukur që prej 11 qershorit 1998, se ai ishte marrë nga policia serbe në fshatin Drenoc dhe se prej asaj kohe ajo nuk kishte dëgjuar më prej tij. Versioni I bashkëshortes Nazmije Allaqi bie ndesh me përfundimin që Trupi Gjykues i Dhomave të Specializuara bëri publik më 16 shtator, ku sipas aktgjykimit të shpallur nga gjyqtari Charles Smith, akuzohet se ish-presidenti Hashim Thaçi ishte përfshirë personalisht në arrestimin, ndalimin, transferimin dhe vrasjen e paligjshme të Behajdin Allaqit.