E veja e Aleksei Navalnit tha të hënën se presidenti rus, Vladimir Putin, ka vrarë bashkëshortin e saj ndërkohë që u betua se do të vazhdonte punën e tij, tre ditë pasi ai vdiq në një burg në Arktik. Duke u përpjekur të mbajë lotët, në një video të publikuar në hënën, Julia Navalnaja tha: Tre ditë më parë, Vladimir Putin vrau bashkëshortin tim! Ne e dimë pse ekzaktësisht Putin e vrau Aleksein tre ditë më parë. Do t’jua tregojmë këtë së shpejti. Ne do të gjejmë kush ekzaktësisht e kreu këtë krim dhe përse ekzaktësisht e bënë këtë. Ne do të themi emra dhe do të tregojmë fytyra Autoritetet e burgut thanë se Navalni kishte vdekur pasi humbi ndjenjat pas ecjes në burgun ku ai mbahej, 1200 km në verilindje të mokës, brenda qarkut arktik. Yulia Navalny: "Ai keqtrajtohej, ishte izoluar nga bota, nuk i jepnin as një laps e letër për të shkruar dy fjalë për mua apo fëmijët. Ai u la të vdiste urie. Tre vjet uri dhe asnjëherë nuk u dorëzua. Ai na mbështeste ne gjithnjë, përpiqej të na ngrinte moralin, qeshte dhe bënte shaka për të na frymëzuar. As edhe për një sekondë ai nuk dyshoi tek ajo për cka po luftonte dhe për atë për cka po vuante Julia Navalnaja, që ka qenë në krah të bashkëshortit të saj për më shumë se një dekadë, në luftën e tij kundër Putinit, premton se do të vazhdojë punën e tij."