E ardhmja e mundësive ekonomike të Serbisë do të varen nga vendimet politike dhe zgjedhjet e partneriteteve, ka paralajmëruar Departamenti amerikan I shtetit në një reagim për REL, lidhur me afrimin e Serbisë me Kinën në fushën e inteligjencës artificiale. Komisioni Evropian, ka theksuar se harmonizimi me rregullat e Bashkimit Evropian në fushën e inteligjencës artificiale, është pjesë e procesit më të gjerë të integrimit evropian, dhe se Serbia është zotuar të harmonizojë legjislacionin e saj me këto rregulla në kuadër të procesit të anëtarësimit. Departamenti amerikan i Shtetit theksoi se është e qartë se cilën anë duhet ta zgjedhë Serbia. DASH tha se SHBA-të inkurajiojnë BEogradin të garantojë sigurinë e saj kombëtare - duke zgjedhur burime dhe furnizues të besueshëm të pajisjeve dhe teknologjisë së inteligjencës artificiale.