Kryetari i Partisë Demokratike, Lulzim Basha e mbylli në Tropojë, turin e nisur një natë më parë në 9 qyetete nga jugu në veri të Shqipërisë. I ndalur në Tropojë ai e cilësoi këtë qytet si “Tropoja e Sali Berishës dhe Azem Hajdarit” teksa u bëri thirrje qytetarëve të votojnë masivisht partinë demokratike duke hedhur poshtë mundësinë për një bashkëqeverisje. Në fjalën e tij Basha zbuloi edhe premtimet elektorale ndër të cilat edhe mbështetje për agroturizmin, turizmin dhe rrjetin e enegjisë elektrike. Kontrata që ekipi im ka lidhur shtëpi më shtëpi, fshat më fshat do të fillojë nga zbatimi prej ditës së parë të qeverisjes së re. Mbështetje për agrobiznesin, për turizmin, mbështetje për rrjetin e energjisë elektrike, i cili jo më kot është lënë pas dore nga korrupsioni dhe babëzia e një njeriu i cili përmes errësirës së shtëpive tuaja do të kthejë këtë vend në mesjetë. Rikonstruksion i plotë i rrjetit të energjisë elektrike, rikonstruksion në ndërtim i infrastrukturës rurale dhe mbi të gjitha riaktivizimi i projektit të rrugës së bregut të Drinit për ta bërë Tropojën siç është diamantin e mes të këtij hajmalie të bukur Rrafshit të Dukagjinit, Shkodrës dhe Ulqinit. Lulzim Basha në fund të turit të tij në Tropojë, vendosi lule në bustin e Azem Hajdarit, liderit të lëvizjes studentore të dhjetorit 1990, njëkohësisht edhe babait të Rudina Hajdarit, e cila në këto zgjedhje është kandidate e partisë politike “Nisma Thurrja”.