Kryetari i Partisë Demokratike Lulzim Basha këtë të enjte në kuadër të fushatës elektorale të zgjedhjeve të 25 prillit ka qenë në Farkë ku është takuar me të rinjtë e zonës. Gjatë bashkëbisdimit me të rinjtë i shprehën kryedemokratit shqetësimet që kanë në arsim. Nga ana tjetër Basha shfrytëzoi këtë moment për të ritheksuar edhe njëherë planin elektoral të partisë demokratike. Ai u shpreh se me marrjen e pushtetit do të anulonte ligjin për arsimin e lartë. Më tej ai i cilësoi të rinjtë si forcën dhe energjinë e ndryshimit, ndërsa theksoi se përgjegjësia më e madhe e tij janë ata. Kryedemokrati zbuloi para tyre projektin për të punësuar 7000-9000 të rinj çdo vit. ‘Përgjegjësia më e madhe e imja dhe ekipit tim është ndaj jush. Do ta përkthejmë në vepra konkrete që do t;’ju ndihmojmë në dilemat që keni. Kanë qetën tetë vite të tmerrshme për të rinjtë shqiptarë. Largimi masiv i shokëve tuaj nuk ka plagë më të madhe. Kjo plagë nuk ndalet me llafe dhe premtime boshe por duke marrë vendime të vendosura. Vendimi im i parë është anulimi i ligjit për arsimin e lartë që të mos ketë bij dhe bir shqiptari që të mbetet pa u arsimuar.