Kreu i Partisë Demokratike ka akuzuar sërish kryeministrin Rama për dështim të politikave ekonomime të qeverisë së tij. Duke iu referuar raporton te fundit te EuCham, i cili e rendit Shqiperine ndër tre vendet e fundit në Evrope për të bërë biznes, Basha thekson se ky eshte nje tjeter konfirmim se qeveria Rama ka deshtuar. “Raporti i fundit i EuCham që e rendit Shqiperine ndër tre vendet e fundit në Evrope për të bërë biznes, konfirmon qartë se kjo qeveri ka dështuar: sot kriza është shtrirë në çdo hallkë të ekonomisë. Me Ramën, Shqipëria u bë ndër vendet më të korruptuara, me taksat më të larta në rajon,më pak tërheqëse për investime. Vendit sot i duhet një model i ri ekonomik, me taksa të ulëta,mbështetje për sipërmarrjen, stimulim për investimet dhe bizneset që hapin vende pune”, shprehet Basha nëpërmjet një postimi në rrjetet sociale.