Përmes një video-mesazhi në rrjetet sociale, Lulzim Basha thotë se demokratët euroatlantikë konsiderojnë marrëdhëniet strategjike me Shtetet e Bashkuara të Amerikës si thelbësore dhe premtoi heqjen e vizave me SHBA. Sinkron basha - Konsolidimi i mëtejshëm dhe zgjerimi në të gjitha fushat i marrëdhënieve të ngushta me aleatin më të madh të shqiptarëve, Shtetet e Bashkuara të Amerikës, do të vijojë të përbëjë një përparësi kryesore të politikës sonë të jashtme. Ashtu siç hoqëm vizat në zonën Shengen, angazhohemi për Heqjen e Vizave me SHBA brenda mandatit të parë qeverisës; Basha thotë se edhe marrëdhëniet me Britaninë e Madhe dhe vendet anëtare të BE do të njohin një dimension të ri në funksion të zhvillimit ekonomik dhe përmirësimit të cilësisë së jetës së qytetarëve. Kreu i demokratëve euroatlantikë bëri këtë reagim në ditën që nisi punimet konferenca treditore e ambasadorëve në Tiranë.