Selia blu do të presë mbledhjen e Kryesisë dhe Këshillit Kombëtar të Partisë Demokratike. Pas humbjes së 5 zgjedhjeve përfshirë edhe ato lokale, pritet që ky të jetë një ballafaqim i fortë i kryetarit të kësaj force politike dhe anëtarëve të strukturave demokratike. Ky takim vjen pasi Partia Demokratike depozitoi dosje voluminoze duke pretenduar tjetërsim votash në zgjedhjet e 25 Prillit. Kujtojmë se menjëherë pas publikimi të rezultateve të zgjedhjeve nga Komisioni Qëndror i Zgjedhjeve, ishin të shumtë kritikët e Bashës të cilët publikisht ngritën akuza të forta ndaj kryedemokratit dhe i kërkuan atij dorëheqjen e menjëhershme. I pari që kërkoi dorëheqjen e Bashës ishte Fatbardh Kadilli, i cili ka filluar edhe fushatën për të fituar kryesimin e Partisë demokratike. Më pas edhe ish presidenti Bujar Nishani si dhe Arben Ristani kanë shprehur qartësisht në media kërkesën e tyre ‘Basha ik’.