Kur zgjedhjet për kreun e ri të Partisë Demokratike janë vetëm 1 javë larg, kryetari aktual Lulzim Basha ka vijuar turin e takimeve me demokratët në Elbasan, Librazhd, cerrik e Belsh. Në këto takime basha u bëri apel kundërshtarëve të tij për të lënë pas inatet personale dhe të punojnë për një qëllim të përbashkët. "Miqtë e mi sfidat tona janë më të mëdha se para 25 prillit, por fuqia jonë është më e madhe, bashkimi ynë është më i madh. Më vjen mirë që e shoh këtë bashkim ne bazë kudo, baza demokrate është e qartë, baza demokrate është e vendosur. Kjo gare është një vlerë më shumë për ne dhe familjen tonë. Jemi e vetmja parti që bën garë, që bën debat, që ka konkurrencë. Ndaj, ndodhem sot këtu për t’ju kërkuar që ta përdorim 13 Qershorin si një mundësi të artë për t’i treguar shqiptarëve dhe botës se jemi në këmbë, se jemi dhe mbetemi familja e vetme politike e vlerave. Është testi i parë pas 25 prillit, pas masakrës zgjedhore për forcën tonë që do ta tregojmë përmes pjesëmarrjes masive në garën e brendshme të 13 Qershorit.