Kryedemokrati Basha, i ngjitur në kabinën e një zetori, ka biseduar me një fermer në fshatin Mizë, të Divjakës. E duke u nisur nga problematikat e këtij fermeri, Basha shpalosi edhe programin elektoral të Partisë Demokratike për zhvillimin e bujqësisë në vend. Basha premtoi 100 milionë euro subvencione, 50 milionë euro për infrastrukturën si edhe naftë pa taksa. Nga traktori i fermerit në Divjakë, Basha premtoi subvencione direkte për çdo metër tokë të punuar dhe për çdo prodhim. Në total 150 milion euro do të shkojnë për bujqësinë çdo vit. Kryetari i Partisë Demokratike, bëri edhe një krahasim të situatës momentale të bujqësisë në Shqipëri dhe në vendet e rajonit. “Unë nuk mendoj se i bëhet vonë atij për produktet e Divjakës por nuk është çështje që dua të diskutoj me ty. Ajo që dua të them është që në qoftë se Kosova me gjysmën e buxhetit të Shqipërisë arrin të japë subvencione, në qoftë se Maqedonia me një buxhet afërsisht sa i Shqipërisë jep 100 milionë euro, pse mos të japim ne? Po e the ti ku shkojnë paratë? Kjo është. Pra, me 25 prill vendimi që do marrësh është ku do të shkojnë paratë. Atje ku kanë shkuar këto 8 vite apo do vijnë për subvencione, për ndihmë për ju.