Kryetari i Partisë Demokratike, Lulzim Basha, në vizitën e tij në qytetin e Kukësit, ka bërë një ndalesë te tuneli i Kalimashit, ku u shpreh se eshte kundër traut dhe pagesës së rrugës, pasi kjo penalizon marrëdhëniet me Kosovën. Për këtë ai u zotua se 25 prilli do të jetë dita që çdo shqiptar do të votojë ndryshimin dhe heqjen e traut. Kryedemokrati e ka përcaktuar rrugën e Kombit si një nga sfidat e mëdha që është tejkaluar dhe një projekt madhor për Shqipërinë. “Vëllezër dhe motra, zonja dhe zotërinj shikojeni edhe 3 jave atë tra. Në prill Shqipëria voton ndryshimin, Kukësi voton ndryshimin dhe ndryshimi i parë për çdo shqiptare dhe shqiptar nga Konispoli në Podujevë, të jetë heqja e traut. Nuk ka kaluar shumë kohë nga ai moment që na i mbushi zemrat me një besim si qytetarë të një kombi që ndërtoi tunelin më të gjatë në Ballkan dhe lidhi Shqipërinë me Kosovën. 8 vite me radhë ai që për 2 javë e gjysmë do të largohet me votën më masivë të shqiptarëve që duan ndryshim nuk bëri asgjë por përkundrazi i futi shkopinj nën rrota Kosovës, shkatërroi ekonominë tonë, uli në nivelin më të ulët marrëdhëniet ekonomike dhe politike midis dy vendeve tona. Ne ndërtuam rrugën, ne ndërtuam tunelin, ai vuri traun Kreu i opozitës u ka kërkuar votën qytetarëve më 25 prill, me premtin se kur ai të jetë në krye të qeverisë cdo pengesë do të zhduket dhe të rinjtë do të kenë mundësi punësimi si në Kukës dhe kudo