Kryetari i Partisë Demokratike, Lulzim Basha gjatë vizitës në qytetin e Elbasanit është takuar me një grup të rinjsh ku ka biseduar me ta rreth problematikave që i shqetësojnë. Basha u tha të rinjve se ata janë kryeqendra e ndryshimit. Ai u ka kërkuar të rinjve që përmes votës të bëjnë të mundur ndryshimin dhe të largojmë rrënimin dhe trishtimin që kjo qeversje ka mbjellë në 8 vite Ne do të nderojmë meritokracinë. Kemi planin për stazhe në mënyrë që ata student që mbarojnë universitetin te fillojnë të integrohen në tregun e punës, si kundër kemi dhe planin kryesor që është plani ekonomik që Shqipëria mos të humbas shanset siç kanë humbur shumë shanse në këto 8 vite ndërkohë që vendet e tjera të rajonit i kanë përfituar këto shanse por të kthehet në një qendër të investimeve të huaja dhe investimeve të brendshme që hapin vende pune me paga dinjitoze dhe që sigurojnë mirëqenie për ju dhe kolegët tuaj kudo ku janë. Kështu që mërzia dhe frustrimi ndihet kudo, padurimi për ndryshim ndihet kudo, le të bëhemi të gjithë bashkë që 25 Prilli të jetë dita e ndryshimit dhe më 26 prill ta festojmë edhe njëherë Ditën e Verës të gjithë bashkë. Një ndër problematikat që ngritën të rinjtë gjatë bashkëbisedimit ishte mungesa e punësimit dhe pasiguria në të cilën jetojnë për shkak të kriminalitetit që ka në Elbasan. Studentët shprehën pakënaqësi edhe për cilësinë e arsimit, e cila lë shumë për të dëshiruar. Sipas tyre mësimi online është i dështuar dhe për shkak të mënyrës se si zhvillohet, ka detyruar studentët të lënë studimet përgjysmë.