Kryetari i Partisë Demokratike, Lulzim Basha, ishte në familjen e një çifti pensionistësh ku gjatë bisedes u shpjegoi atyre dhe pensionistëve shqiptarë efektet që do të sjellë programi ekonomik i Partisë Demokratike i bërë publik së fundmi. Basha sqaroi planin e tij duke u ndalur në veçanti tek programi për rritjen e pensioneve, që parashikohet të jetë 5% çdo vit. çifti i pensionistësve, ka ngritur shqetësimin se me pensionin e vogël me vështirësi arrijnë të përballojnë nevojat bazike. Partia Demokratike prezantoi një ditë më parë programin ekonomik për 4 vitet e ardhshme, ku ndër pikat kryesore të programit ishte dyfishimi i të ardhurave për frymë, hapja e 110 mijë vendeve të reja të punës, dyfishimi i ndihmës ekonomike për familjet në nevojë dhe vendosja pagës minimale në 36 mijë lekë.