Në vijim të takimeve në Tiranë, ministri i Jashtëm grek, Nikos Dendias ka zhvilluar një takim me kryetarin e Partisë Demokratike, Lulzim Basha. Mesohet se kreu demokrat ka thene gjate takimit se është domosdoshmëri që pala greke të anulojë ligjin e luftës me Shqipërinë dhe se çështja e detit duhet të zgjidhet përmes Gjykatës Ndërkombëtare. Me ane te nje postimi ne facebook kryedemokrati ka zbardhur takimi me ministrin e jashtem grek, ku shkruan se Dendias. Gjatë bisedës, nënvizuam domosdoshmërinë që në frymën e mirëkuptimit dhe respektit reciprok, të zgjidhim çështjet e mbetura pezull dhe të intensifikojmë bashkëpunimin dypalësh në të gjitha fushat, përfshirë edhe lehtësitë për shqiptarët që jetojnë e punojnë në Greqi, ben te ditur Basha. Ritheksova qëndrimin e shprehur prej 10 vitesh, vijon ai, se zgjidhja për çështjen e detit duhet të vijë përmes Gjykatës Ndërkombëtare dhe i përsërita ministrit Dendias domosdoshmërinë për abrogimin e ligjit të luftës. Në emër të Partisë Demokratike dhe opozitës shqiptare e falënderova atë për mbështetjen e çmuar që Greqia po i jep vendit tonë në procesin historik të integrimit evropian, mbyll postimin kreu i PD, Lulzim Basha.