Kryetari I Partisë demokratike Lulzim Bashan në turin e takimeve që ka zhvilluar në Berat ka zhvilluar edhe një takim me disa maturantë të këtij qyteti. Nëpërmjet një statusi në rrjetet sociale kreu I PD-së bënë të ditur se pasi ka dëgjuar problemet e tyre u ka premtuar maturantëve se me atë në krye të qeverisë situate do të ndryshojë për mirë. “Qeveria Rama po e bën çdo ditë e më të pamundur për maturantët të vazhdojnë studimet e larta. Kjo situatë duhet dhe do të marrë fund. Me mua dhe PD asnjë nxënës nuk do të privohet nga e drejta për arsim për shkak të pamundësisë ekonomike. Familjet e studentëve me të ardhura më pak se 640 mijë lekë të vjetra në muaj do të përfitojnë subvencion 100% të tarifës. Familjet me të ardhura mbi 640 mijë lekë të vjetra në muaj do të paguajnë gjysmën e tarifës. Për studentët në pamundësi, buxheti i shtetit do të mundësojë bursa dhe mbështetje financiare. Ne do ta dyfishojmë buxhetin dhe do të anulojmë Ligjin e Arsimit të Lartë, do të ofrojmë stazhe për 10 mijë studentë çdo vit”, shkruan ndër të tjera Basha.