Kundërshtimi i fortë I opozitës në lidhje me menaxhimin e plehrave duket se ka lidhje me një ‘qejfmbetje’ te kreut të PD-së, Lulzim Basha për prishjen e një kontrate të hartuar në kohën kur ai drejtonte bashkinë e Tiranës.Sipas dokumentave që tashmë janë bërë publikë, në gusht të vitit 2013, Lulzim Basha, në atë kohë kryetar I Bashkisë së Tiranës, nis tratativat lidhur me menaxhimin e plehrave të qytetit nga privatët. Kontrata kishte si çmim për mbledhjen dhe përpunimin e mbetjeve 37 euro për ton, ose e thënë më thjeshtë, 8 euro/ ton më shumë se sa menaxhohen tani mbetjet e kryeqytetit. Sipas studimit të fizibilitetit që është firmosur nga Lulzim Basha, kontrata do të ishte me afat 20-vjeçar, duke bërë që fitimet të vijonin normalisht, pavarësisht se kush do të merrte më pas drejtimin e bashkisë apo të qeverisë, nuk do të kishte mundësi që ta ndalonte.“Fizibiliteti i objektit vlerëson se koncesioni për menaxhimin e mbetjeve urbane dhe pastrimin e qytetit të Tiranës, nisur edhe nga eksperiencat ndërkombëtare të projekteve të ngjashme, do të jepet për një periudhë mesatare 20-vjeçare, me një investim kapital total në afro 34.6 milionë euro dhe një kosto operacionale në 37 euro/ton”, thuhet në studimin e fizibilitetit të Bashkisë së drejtuar nga Basha në atë kohë.Pra, sikurse mund të shihet, Kryetari i Partisë Demokratike Lulzim Basha që sot anatemon qeverinë e bashkinë aktuale si hajdutë të lidhur me mafien e plehrave, e kishte parashikuar më të lartë koston e menaxhimit të mbetjeve për kryeqytetin. Duket se sulmi I Bashës ka të bëjë më shumë me interesa të cënuara të tij apo njerëzve rreth tij, se sa me parimin. Edhe kush ka probleme me matematiken e kupton se 29-a është më e vogël se 37-a