Top News – Basha-Më 25 prill merr fund e keqja/ ‘Nëse nuk i mbaj premtimet nuk kërkoj më mandate’

Kryetari i PD Lulzim Basha, ka vijaur takimet me qytetarët dhe bizneset në zonën e Kombinatit. Qytetarët ndanë shqetësimet me kreun e opozitës, nga kriza e ekonomike deri te procesi i rindërtimit nga tërmeti. Për këtë Basha u premtoi se pas 25 prillit, kur ai të jetë në krye të qeverisë do ta përmbyllë procesin e rindertimit të banesave të dëmtuara nga tërmeti. "Rindërtimi është kthyer në një skemë abuzimi, vjedhje dhe shpërdorimi. Kjo është arsyeja kryesore dhe arsyeja e vetme pse njerëzit po vuajnë. Se këta edhe rindërtimin e kanë parë si një mundësi për të vjedhur njerëzit. Si një mundësi për të mbush xhepat e tyre. Unë ju garantoj që qeverisja e ardhshme do të ketë ekspertë që do të përshpejtojnë dhe do t’i japin fund procesit të zvarritur të të gjithë familjeve të dëmtuara nga tërmeti sipas kërkesave të tyre, jo sipas planeve të oligarkëve dhe të hajdutëve. Prandaj 25 prilli është një ditë ndryshimi për të gjithë dhe është një ditë fitoreje edhe për familjet e goditura nga tërmeti. Ne do të bëjmë procesin transparent, do ta përshpejtojmë. Ne do t’i japim fund kalvarit tuaj të vuajtjeve" Kreu i PD, tha se ndryshe nga Rama ai nuk premton për fushatë, por vjen me një plan angazhimesh konkrete për ti realizuar pas 25 prillit. Ndër të tjera ai ka theksuar se nëse nuk i man premtimet e mia nuk do të kërkojë më mandat nga ata.