Akuzave të ish-kryeministrit Sali Berisha, I cili e konsideroi si një njeri vegël të Edi Ramës, u është përgjigjur menjëherë edhe ish-kryedemokrati Lulzim Basha. Nëpërmjet një postimi në rrjetet sociale, Basha akuzon Berishën si shkak për humbjen e demokratëve në zgjedhjet e 14 majit, teksa thekson se po kërkon armiq për të fshehur dështimin e tij. “Të kishte sulmuar Ramën aq sa ka sulmuar ata që nuk mendojnë si ai, rezultati nuk do të ishte ky. Por halli i SB është tjetër nga hallet e qytetarëve. Sot si dje ai shpik e kërkon armiq për të fshehur dështimin që mbolli duke vendosur interesin e tij mbi atë të demokratëve.”, thekson Basha. Ky është reagimi I pare I ish-kryedemokratit pas takimit të 24 majit me një grup të rinjsh të Partisë demokratike, ku foli me gjuhën e kryetarit. Lulzim Basha u largua nga politika active prej dates 22 mars, 3 ditë para vendimit të gjykatës së shkallës së pare për regjistrimin e Statutit të 11 dhjetorit të Sali Berishës, për tu kthyer këtë të mërkurë. Shkak për dorëheqjen u bë humbje në zgjedhjet e pjeshme të 6 marsit, teksa tashmë humbje e Berishës duket se I ka dhënë një dritë jeshile për të rikandiduar.