Lulzim Basha u ndal në Divjakë, ku u takua me një grup fermerësh në fshatin Mizë. Ai thotë se ata po sfidojnë çdo vështirësi dhe janë një shembull frymëzimi për çdo qytetar shqiptar për të mos e braktisur vendin. Takimet mbërrijnë në kuadër të fushatës së rikthimit të ish-kreut të PD-së, që ka shpallur kandidaturën për ta marrë prap drejtimin e partisë, ku përballë ka ish të përndjekurin Gjergji Hani. Basha e nisi fushatën e rikthimit pak ditë pas zgjedhjeve të 14 majit, ku sigla e Partisë Demokratike nuk siguroi dot asnjë bashki të fituar. Takimin e parë të rikthimit e zhvilloi me një grup të rinjsh. Para tyre, Basha tha se periudhën prej më shumë se një viti tërheqjeje nga politika aktive e kishte shfrytëzuar për të reflektuar. Ai kritikoi si Ramën, ashtu edhe Berishën, që sipas tij ndajnë të njëjtat interesa dhe po mbajnë vendin peng.