Me aq shumë viktima si pasojë e bombardimeve të pandalura izraelite, palestinezët në gaza po varrosin të paidentifikuarit në barre masive, me një numër në vend të emrit. Tani, disa familje po përdorin byzylykë me emra, ose shkruajnë emrat në trupat e fëmijëve, me shpresën që t’i gjejnë të dashurit e tyre në rast se vriten. Familja El Daba është përpjekur të reduktojë rrezikun që të goditet gjatë bombardimeve. 40 vjecari Ali el Daba, thotë se ka parë trupa të copëtuar nga bombat dhe që nuk mund të identifikohen. Ndaj edhe ka vendosur të ndajë familjen në mënyrë që të mos vriten të gjithë në një sulm të vetëm. Ai thotë se bashkëshortja e tij Lina, 42 vjec, ka mbajtur djemtë dhe dy vajzat në qytetin e gazës, në veri, ndërsa ai vetë ka shkuar në Khan Junis, në jug, me tre fëmijë të tjerë. El Daba thotë se ai po përgatitet për më të keqen. Ai i ka blerë byzylykë familjes dhe ua ka vendosur në dorë...nëse dicka ndodh, do të mund t’i njoh ata. Të tjera familje palestineze po blejnë apo bëjnë vetë byzylykë për fëmijët e tyre, ose po ua shkruajnë emrat në krah.