Autoritetet italiane kanë zbuluar një bankë fantazmë të vendosur në zonën industriale të Pratos. Institucioni financiar sekret u shërbente klaneve të mafias italiane, që nga Sacra Corona Unita, te Ndrangheta e Camorra, por edhe bandave shqiptare. Hetimet paraprake flasin për një strukturë që vepronte në hije dhe përdorte sistemin arab të transferimit të parave, njohur si ‘haëala’, teksa si lavatriçe e pastrimit të parave të drogës, kontrabandës dhe trafikut të qënieve njerëzore shërbenin kompani kineze. Skema qarkullonte në vit mbi 100 milionë euro para të pista, që pasi futeshin në bankën fantazmë të Pratos dilnin prej andej si të ardhura të justifikuara ligjërisht, kryesisht përmes tregtisë me Kinën. Aksioni është udhëhequr nga Drejtoria Antimafia e Firences, që ka nxjerrë 41 masa sigurie, ku 17 masa janë në arrest me burg. Në total, sipas italianëve janë 57 persona nën hetim, kryesisht kinezë, italianë dhe shqiptarë.