Arrestimi dhe dëbimi I shumë shqiptarëve që shkuan në Angli në mënyrë të parregullt për të punuar më pas në shtëpitë e barit, ka shkaktuar probleme për bandat shqiptare të drogës. Në këtë përfundim duket se ka mbërritur media ‘The Telegraph’, sipas të cilës thuhet se bandat shqiptare po rekrutojnë fermerë për shtëpitë e tyre të barit. Por në kushtet e krizës për fermerë, tashmë ofertat duket se kanë ndryshuar formë. Sipas mediet britanike bosët e bandave po përdorin mediat sociale për të reklamuar punën për kultivimin e kanabisit dhe po ofrojnë oferta speciale, ku në vend që të paguhen shpenzimet, punëtorët e fermave do të marrin deri në 30 për qind të fitimeve nga shitja në rrugë e drogës. Stimujt financiarë janë bërë të nevojshëm për shkak të rënies dramatike të numrit të shqiptarëve që hyjnë ilegalisht në Mbretërinë e Bashkuar me varka të vogla dhe një rritje të mprehtë të numrit të shqiptarëve që burgosen për kultivim kanabisi ose deportohen pas mbërritjes në Britani. Duke komentuar zbulimet e “The Telegraf”, Angela Eagle , Ministrja e Sigurisë Kufitare, tha: “Është tronditëse që bandat kriminale përdorin mediat sociale për të pre e njerëzve të cenueshëm, duke i joshur ata të punojnë në kushte të neveritshme dhe të kultivojnë drogë si kanabisi me premtime të rreme fitimi”. Bandat shqiptare kanë arritur të dominojnë tregun vendas të kanabisit, ku bimët rriten në shtëpi apo ambiente industriale të lira duke përdorur teknologjinë hidroponike të importuar nga fermat e vendlindjes së tyre. TikTok tha se ishte i përkushtuar për të siguruar që aplikacioni të mos përdoret për të përfituar nga njerëzit e cenueshëm dhe nuk lejoi asnjë përmbajtje që lehtëson ose koordinon kontrabandën e njerëzve ose kriminalitetin e lidhur. Ai tha se postimet ishin hequr ose do të hiqen dhe hetoheshin për shkelje të udhëzimeve të komunitetit.