Deti Baltik, me një rëndësi strategjike, po quhet tani liqeni i NATO-s pasi suedia mori dritën jeshile për tiu bashkuar aleancës, duke rritur fuqinë e saj në rajon, në një zhvillim drithërues për Vladimir Putinin. Anëtarësimi i vendit në aleancë, shton edhe pjesën e fundit që mungonte në pazëll, rreth brigjeve të detit baltik, që është një portë e rëndësishme detare për Rusinë, duke e bërë më të lehtë për naton që të ushtrojë kontroll dhe të fuqizojë shtetet baltike. Analistët kanë sugjeruar se kjo do të thotë që aleatët perëndimorë, mes të cilëve britania e madhe dhe SHBA, do të kenë mundësi të mbyllin hapësirat për manovrim të rusisë në këtë trajektore të rëndësishme në rast se një luftë me moskën shpërthen. Por, moska, do të jetë në gjendje përsëri të kërcënojë infrastrukturën nënujore dhe të shënjestrojë rajonin nga bazat e saj e saj në kaliningrad, me ekspertët që paralajmërojnë se NATO duhet të qëndrojë vigjilente përballë kërcënimit rus. “Nëse shikon hartën, atëherë gjeografikisht deti baltik po bëhet liqen i natos”, thonë ekspertët, duke paralajmëruar sidoqoftë se aleanca ka ende shumë për të bërë. Të hënën e kaluar, hungaria u bë vendi i fundit i natos që miratoi kërkesën e suedisë për anëtarësim në nato. E kjo, u quajt një ditë historike nga kryeministri suedez Ulf Kristerson. Sekretari i përgjithshëm i NATO-s, Jens Stoltenberg, tha se anëtarësimi i Suedisë do ta bëjë aleancën më të fortë dhe më të sigurt. Vitin e kaluar ndërkohë, finlanda iu bashkua aleancës, duke përmbysur ashtu si suedia, dekada të tëra neutralitet. E kjo do të thotë tani se të gjitha shtetet përreth detit Baltik, me përjashtim të Rusisë, do të jenë pjesë e aleancës ushtarake.