Demokratët zhvilluan foltoren e radhës para Kryeministrisë, ku fokus edhe kësaj here ishte çështja e imunitetit të Belinda Ballukut. Sali Berisha ndërsa drejtoi gishtin nga kryeministri Rama duke e akuzuar këtë të fundit se po e mbron. Berisha e quan antikushtetues vendimin e PS për të pyetur grupin parlamentar lidhur me këtë çështje. Kushtetuta thotë se vendimin e merr komisioni, jo grupi. Por këta nuk kanë as ligj, as Kushtetutë. Pra, kush do ia heqë imunitetin asaj? Qytetarët shqiptarë! Të shtunën, në ora 6, e gjithë Shqipëria kundër Edi Ramës, imunitetit të Edi Ramës, për arrestimin e Edi Ramës, për largimin nga pushteti. Sipas Berishës, edhe ndërkombëtarët po kërkojnë me ngulm dorëzimin e Ballukut tek drejtësia. As me rënien në gjunjë, as me puthje çizmesh dhe këmbësh, ky nuk shpëton kurrë. Ua them këtë, ishte në Uashington, e patë, asnjë njeri nuk e priti, ia refuzuan çdo kërkesë.