Me firmën e Kryeministrit Edi Rama u depozituan në Kuvend ndërhyrje ligjore që do pamundësojnë pezullimin nga detyra me vendim gjykate të presidentit, Avokatit të Popullit, Kryeministrit, zv.Kryeministrit, ministrave, anëtarëve të Gjykatës Kushtetuese dhe kryetarit të Kontrollit të Lartë të Shtetit. Kjo ndërhyrje ligjore erdhi pasi Gjykata Kushtetuese la në fuqi pezullimin e Belinda Ballukut, për të cilën Rama tha se ka dorëzuar tre herë dorëheqjen, por nuk është pranuar prej tij. Rama: “Belinda Balluku ma ka dorezuar tre here doreheqjen i kam atje ne dosje. Une nuk e doreheqjen pa u plotesuar kushtet. Mendoj që boshllëku është në trutë e atyre që si dhanë drejtim, bazuar në frymën e kushtetutës dhe në modelin demokratik të ndarjes së pushteteve, jo në të gjithë europën, por në të gjithë planetin.” Rama kritikoi drejtësinë e re, duke sjellë në kujtesë masat e sigurisë të caktuara ndaj punonjësve të administratës.