Organizata Human Rights Watch I bëri thirrje Mbretërisë së Bashkuar dhe Bashkimit Europian që të ndalojnë së përdoruri Ballkanin si një magazinë për migrantët. Edhe njëherë kjo organizatë përsëriti kritikat ndaj ideve për përdorimin e “qendrave të kthimit” në vende të treta për azilkërkuesit. “Në vend që ta trajtojnë Ballkanin si një magazinë për migrantët, BE-ja dhe Mbretëria e Bashkuar mund të luajnë një rol të rëndësishëm në mbështetjen e zhvillimit të sistemeve funksionale të azilit dhe kuadrove më të mira për mbrojtjen e të drejtave të migrantëve”, tha drejtori I HRW, që përmedni dhe rastin e Bosnjë dhe Hercegovinës. “Shtimi i azilkërkuesve të refuzuar nga Mbretëria e Bashkuar, apo ndoshta edhe nga BE-ja, në sistemin tashmë shqetësues të ndalimit të Bosnjës do të përkeqësonte vetëm problemet ekzistuese dhe do të shtonte abuzimet”, nënvizoi ai. Pas paktit të nënshkruuar mes Italisë dhe Shqipërisë, edhe Gjermania po shqyrtonë mundësinë që të aplikojë të njëjtën procedurë për refugjatët. Plan që tashmë Britania, pas dështimit të Ruandës po mendon ta aplikojë në Kosovë. BE-ja ndërmori hapa në mars për t’i lejuar vendet anëtare të përpunojnë kërkesat e migrantëve jashtë kufijve të bllokut me 27 vende, dhe kryeministri britanik, Keir Starmer, njoftoi se qeveria e tij kishte hapur bisedime me disa vende për ngritjen e “qendrave të kthimit” për azilkërkuesit e refuzuar që do të presin deportimin. Ai nuk përmendi emra vendesh, por Ballkani duket si partner i mundshëm, e veçanërisht Kosova.