Mynihu, si cdo vit, është kthyer tani në arenën ku diskutohet situata e sigurisë në botë. Temat e kësaj konference këtë radhë, ishin, sic pritet, lufta në ukrainë dhe ajo në lindjen e mesme. Këto dy vatra krizash kanë përcaktuar pjesën më të madhe të diskutimeve. Por përveç diskutimeve të hapura për publikun, konferenca e sigurisë së mynihut, shoqërohet edhe me takime dy palëshe në prapaskena, përfshirë të atyre që publikisht qëndrojnë larg njëri tjetrit. Ndërkohë që përfaqësuesit e vendeve të ballkanit perëndimor, e kanë gjetur veten këtë vit, në plan të dytë dhe jashtë paneleve publike. Sidoqoftë, ata kanë shfrytëzuar mundësinë e takimeve dy palëshe. Presidenti serb, aleksandër Vucic, u mburr me takimet me ministrat e jashtëm britanik dhe kinez, David Cameron dhe Ëang Yi, delegacionin e senatit amerikan etj. Në anën tjetër, kryeministri i Kosovës, Albin Kurti, ka biseduar me përfaqësuesit e senatit amerikan për zhvillimet në vend, duke akuzuar serbinë për problemet më të fundit të shkaktuara nga vendimi për ndalimin e dinarit. Kryeministri kroat Andrej Plenkovic nuk u mor me Serbinë dhe Kosovën, por me temën e tij të preferuar kur është në skenën ndërkombëtare: mbështetjen e Bosnje Hercegovinës nga Kroacia në rrugën e saj drejt Bashkimit Evropian. Në të njëjtën kohë, në një nga panelet, anëtari i presidencës së bosnje hercegovinës, Denis Beqirovic, i bëri thirrje Brukselit që në mars të hapë negociatat e anëtarësimit. Por, analistët tërheqin sërish vëmendjen tek ndikimi i rusisë në ballkan, që është sipas tyre një nga faktorët më të mëdhenj të destabilitetit. "Rusia nuk po vepron vetëm kundër Ukrainës. Rusia është një faktor destabilizues kudo në botë. Rusia po përpiqet të destabilizojë edhe Ballkanin... ne duhet të mbështesim menjëherë Ukrainën dhe t'i japim asaj atë që i nevojitet", tha ndërkohë kryeministrja daneze Mette Frederiksen.