Kreu i grupit parlamentar të Partisë Socialiste, Taulant Balla teksa ka uruar Lëvizjen Vetëvendosje për fitoren e thellë në zgjedhjet e 14 shkurtit në Kosovë, tha se ky proces, në kushtet e pandemisë dhe të ftohtit ekstrem, është një mesazh për të gjithë aktorët politikë për të pranuar rezultatin e zgjedhjeve, si në Kosovë edhe në Shqipëri. Duke uruar Kosovën dhe partite poltike për zgjedhje me standarte Balla ka uruar vecanerisht mikun e tij, sic ka preferuar ta percaktojë, Albin Kurtin për fitoren në këtë gjedhje, duke shtuar se mezi pret të nisin bashkëpunimin me qeverinë e re. Taulant Balla para mediave ka theksuar se zgjedhjet në Kosovë ishin një “festë e demokracisë, duke dhene keshtu nje mesazh edhe per politIken ne shqiperi. Uroj që procesi i konstituimit të Kuvendit të ri e qeverisë së re të marrë kohën sa më të shkurtër të mundshme, e mezi presim të punojmë me qeverinë në funksion të integrimit. Ajo që për mua është me rëndësi është që tashmë të gjitha partitë politike duhet të pranojnë rezultatin, uroj që dhe në Shqipëri pas 25 prillit cdo parti politike të pranojë rezultatin, ka deklaruar Taulant Balla.