Kastriot Karafili është ‘koka’ e parë në Policinë e Shtetit që është prerë me nisjen e epokës Taulant Balla në krye të Ministrisë së Brendshme. Karafili mbante detyrën e Shefit të Stacionit të Policisë Kufitare Durrës deri këtë të shtunë, ku me urdhër të Drejtorisë së Përgjithshme ai është pezulluar nga detyra. Shefi i Stacionit është pezulluar për mospërmbushje të detyrave funksionale dhe të përgjegjësive, si edhe për mungesë të treguesve të punës në kuadër të luftës për parandalimin dhe goditjen e kontrabandës dhe trafikut të automjeteve. Për më tepër, Drejtoria e Standardeve Profesionale në Policinë e Shtetit ka nisur hetimin disiplinor për performancë të dobët gjatë kryerjes së detyrës, si dhe për moszbatim të procedurave standarde të punës. Ndërkohë, nga ana e Policisë së Shtetit kërkohet rritja e nivelit dhe e standardeve për shërbimin ndaj qytetareve dhe rritja e treguesve të punës në luftën ndaj paligjshmërive dhe krimit. Një ditë më parë Policia e Shtetit njoftoi disa ndryshime në role drejtuese. Vilson Bala, I cili mbante detyrën e Komisariatit Numër 6, u emërua shefi I ri I Forcave Operacionale. Në Komisariatin 6 u emërua si shef Edvind Ndreu. Ndryshimet përfshijnë edhe Policinë e Kukësit, ku Artan Bajraktari do të jetë drejtori I ri. Nga ana tjetër, Arben Dashi është emëruar Drejtor I krimeve në departamentin e sigurise publike. Më tej, Lutfi Minixhozi u emërua drejtor i zyres se Europolit ne departamentin e mardhenieve nderkombetare.